morbìn

mi me sa che se te fosi el me butìn
te vegno visìn visìn
e te smorsego el nasìn
che de ti go el morbìn

scarabocio
fulminante
scorzéta de mandarìn
scartozo de noseléte
butìn
baloco
faìva de camìn
anelìn vinto ala sagra
se te sto distante la vita lé strinà e magra magra
precisa
a un spizigòto al fianco

ma se te guardo m'imbalzo
e se pò te toco
divento na butìna
e le man me sento farse de fresca puìna.

(grazie a cristina)